Sipas pohimeve të Ministrisë gjermane të Ekonomisë, ky vend që nga fillimi i këtij viti i ka dërguar Turqisë armatim në vlerë 21,8 milionë euro, edhe pse mediat gjermane në fillim të javës së kaluar raportuan se Turqisë, për shkak të shkeljes së drejtave të njeriut, i janë shkurtuar gjithnjë e më shumë dërgesat e armëve, shkruan DW.

DW transmeton se Qeveria gjermane ka bërë të ditur se janë refuzuar 12 kërkesa të dërgimit të armëve, ndërsa shkak i kësaj ka qenë rritja e shqetësimeve për shkak të represionit të brendshëm politik në Turqi.

Megjithatë, sipas pohimeve të Ministrisë gjermane të Ekonomisë, e cila është përgjegjëse për lëshimin e lejeve, që nga 1 janari 2017, pra për vetëm dy muaj e gjysmë, janë miratuar 54 dërgesa ushtarake për Turqinë, vlera e të cilave kap shumën e përgjithshme prej 21,8 milionë euro.